Partnerët Shqipëri

Rritja e mundësive për punësim të të rinjve

- Funksionimi i Tregut të Punës për të Rinjtë në Shqipëri
- Partnerët Shqipëri, pjesë e Shërbimit Vullnetar Evropian
- Rritja e mundësive për punësim të të rinjve
- Lehtësimi i Hartimit të Strategjisë së Rinisë (2006-2011)
- Programi Rinia në Veprim

Gjatë periudhës prill 2010-prill 2011, Partnerët Shqipëri zbatoi projektin Rritja e mundësive për punësim të të rinjve përmes trainimit dhe orientimit në tregun e punës.

Kjo iniciative u bazua në filozofinë “Investimi tek të rinjtë është investim tek e ardhmja”, duke i konsideruar djemtë dhe vajzat si një aset të vlefshëm për shoqërinë dhe për zhvillimin e një shteti. Iniciativa synon të ndikojë në uljen e nivelit të papunësisë në rajonin e Vlorës duke rritur mundësitë e punësimit për të rinjtë. Më specifikisht, projekti do të fokusohet në disa objektiva kryesore, si më poshtë:

•    Rritja e njohurive dhe aftësive bazë të të rinjve në cështjet që lidhen me punësimin, nëpërmjet programeve të trainimit;
•    Mbështetje dhe asistencë për të rinjtë që kanë nevojë për ndihmë për të përgatitur dokumentacionin e nevojshëm për një njoftim punësimi;
•    Rritja e aksesit të të rinjve ndaj mundësive ekzistuese për punësim;
•    Reduktimi i diskriminimit të të rinjve dhe të rejave në tregun e punës nëpërmjet rritjes së informimit rreth mundësive të punësimit dhe kuadrit ligjor;
•    Promovimi i punësimit dhe përfshirjes sociale të të rinjve dhe të rejave që i përkasin gupeve në risk;
•    Rritja e bashkëpunimit dhe përpjekjeve të përbashkëta të agjencive të punësimit, kompanive private, autoriteteve lokale, OJFve dhe aktorëve të tjerë për të rritur mundësitë e punësimit për të rinjtë.

Aktivitetet e realizuara në kuadër të këtij projekti përfshijnë:
- promovimi i iniciativës në Panairin e Punës të organizuar nga Zyra Rajonale e Punës në Vlorë;
- organizimi i një tryeze të rrumbullakët më aktorët lokalë për të diskutuar rreth strategjive dhe iniciativave të përbashkëta rreth punësimit të të rinjve;
- programe për ngritje kapacitetesh për stafin lokal që po angazhohet në implementimin e projektit
- realizimi i një studimi të tregut të punës , që prezanton disa gjetje konkrete lidhur me situatën reale të punësimit dhe mundësitë që kanë të rinjtë dhe të rejat në rajonin e Vlorës për t’u punësuar në përputhje me arsimimin dhe kualifikimet e tyre. Për realizimin e studimit janë zhvilluar 400 intervista, prej të cilave 300 me të rinj dhe të reja dhe 100 me institucione punëdhënëse, kryesisht biznese private;
- Ofrimin e rreth 20 sesioneve trainimi për studentë dhe të rinj të tjerë nga Vlora, në “Rritjen e Aftësive Personale dhe Profesionale të të Rinjve për Punësim ;
- takime dhe lobim me punëdhënësit për të mbështetur dhe rritur mundësitë e punësimit për të rinjtë;
- ofrim informacioni mbi vendet e lira të punës për të gjithë vizitorët në qendër, është ofruar asistencë individuale në përgatitjen e CV-së personale për rreth 60 të rinj, të dosjes së punësimit për rreth 100 të rinj dhe janë realizuar me sukses mbi 50 raste punësimi.

Për t’i ardhur në ndihmë të rinjve punëkërkues PSh publikoi edhe një buletin informativ në të cilin u pasqyruan ofertat e hapura të punësimit në rajonin e Vlorës.

Panairi i Punësimit Rinor, organizuar në 29-30 Mars ishte një nga aktivitetet më të rëndësishme të këtij projekti. Qëllimi i panairit të punës ishte sjellja së bashku e të rinjve punëkërkues me punëdhënës potencialë. Të rinjtë u prezantuan drejtpërsëdrejti me bizneset dhe profilet e punës për të cilat interesoheshin. Disa prej tyre patën mundësi të kryenin intervista pune direkte. Stendat e bizneseve pjesëmarrëse u vizituan nga rreth 300 të rinj përgjatë dy ditëve që zgjati evenimenti i cili u pasqyrua gjerësisht në pesë media lokale. Partnerët në projekt si Zyra e Punës, Dhoma e Tregtisë Vlorë dhe Univeristeti i Vlorës, në fjalët e tyre përshëndetëse theksuan rëndësinë e iniciativave që promovojnë punësimin rinor.

Projekti u zbatua në partneritet me Qendrën Rinore Vlorë dhe u mbështet financiarisht nga Fondacioni i Shoqërisë së Hapur për Shqipërinë.

Klikoni këtu   për t'u njohur me Buletinin e Projektit ose këtu për studimin e tregut të punës .

LAJME SHKURT

Konkursi i Esesë mbi Filantropinë 2013 15/05/2013

Projekt-idetë fituese të konkursit kombëtar IDE TE GJELBERTA 2013! 13/05/2013

Rruga Muhamet Gjollesha, Pallati 7-katësh,shkalla 1, Ap. 9, kati i 5-të, përballë hotel Diplomatit, Kutia Postare 2418/1, Tiranë
Email: partners@partnersalbania.org Tel.+355 4 2254881 / 3 Faks: +355 4 2254883
Te gjitha te drejtat e rezervuara ©2007 - Partners Albania. Programimi: ShqiperiaCom Dizenjimi: Maximedia Studios